Nagpadayon ang Department of Agrarian Reform (DAR) sa pagpalig-on sa panaghiusa niini sa Provincial Government aron mapalapdan ang intercropping programs sa probinsya, ilabi na sa mga umahan sa lubi ug kakaw.
Niadtong milabay nga adlaw, mibisita ang Office of the Provincial Agriculturist kang PARPO II Daisy Dell Suan Digamon aron hisgutan ang mga lakang alang sa teknikal nga suporta ug promosyon sa pagtanom og high-value nga mga gulay isip dugang panginabuhi sa mga mag-uuma.
Sumala sa DAR, ang programa gitumong sa pagpausbaw sa produktibidad sa uma, pagpanalipod sa kalikopan pinaagi sa sustainable agriculture, ug paghatag og dugang kita sa mga benepisyaryo sa repormang agraryo. Ang inisyatiba gisuportahan sa resolusyon nga giaprobahan sa PARCCOM.
Lakip sa mitambong sa panagtagbo sila Cirilo G. Maata, Rosemarie R. Catada, Judy-Ann P. Jarmin, ug Engr. Frediswenda Alejandra sa DAR.(IKEN B. GULLEM)
Source: DAR ZAMBONORTE