Gipahigayon sa City Inter-Agency Committee (CIAC) ang ilang 4th Quarter Meeting kaniadtong Nobyembre 12, 2025, sa Amphitheater sa Government Center aron ipresentar ang updates sa mga programa, mga nahimo, ug mga plano alang sa sunod tuig.
Gitutukan sa sesyon ang mga report sa programa ilabi na ang implementasyon ug monitoring sa Pantawid Pamilyang Pilipino Program (4Ps). Gisundan dayon kini sa open forum aron matubag ang isyu ug mapalig-on ang koordinasyon tali sa mga ahensya.
Gitambongan kini nila Bise Alkalde Gabriel M. Cad, Konsehal Atty. Jeneth N. Baje, mga representante gikan sa DSWD, National Advisory Council (NAC), mga miyembro sa CIAC Council, ug uban pang partner agencies.
Sa panagtigom, gipadayag sa CIAC ang ilang komitment sa pagpadayon sa lig-on nga inter-agency cooperation aron mas epektibo ang paghatud sa mga serbisyo nga direkta makabenepisyo sa katawhan sa Dapitan.
Gipasidunggan usab ang Local Government of Dapitan tungod sa maayo nga performance sa 4Ps. Nakadawat kini ug Consistent Compliance Award on JMC Tool Submission alang sa tukmang ug hapsay nga reporting, Champion LGU for 4Ps Household Integration tungod sa liderato sa pag-apil sa 4Ps households sa lokal nga development programs, ug Plaque of Appreciation isip pag-ila sa padayon nga partnership ug suporta sa tumong sa 4Ps para sa tuig 2024–2025.(IKEN B. GULLEM)
Source: City Government of Dapitan