Usa ka insidente sa pagpanunggab nahitabo sa Purok 3, Poblacion, Sibutad, Zamboanga del Norte alas 7:30 sa gabii niadtong Hunyo 6, 2023.
Giila ang biktima nga si Dionesio De Pedro Baguio, 72 anyos, minyo ug molopyo sa Purok 3, Poblacion, Sibutad, Zamboanga del Norte.
Samtang ang suspek giila nga si Alex Sugabo Ontolan, 46 anyos, minyo ug residente sa Purok 3, Poblacion, Sibutad, Zamboanga del Norte.
Sa inisyal nga imbestigasyon nasayran nga sa dihang mipauli ang biktima, gigukod siya sa suspek sa kasagbutan nga dapit sa nahisgutang lugar ug sa walay igong rason, gidunggab kini og naigo sa walang bahin sa iyang lawas. Human sa hitabo, nidagan ang biktima paingon sa iyang balay ug nangayo og panabang sa iyang pamilya, ug dali kining gidala sa Sibutad Municipal Hospital aron matambalan.
Samtang ang midunggab misibat paingon sa direksyon sa iyang gipuy-an. Ang mga PNP personnel sa Sibutad Munipal Police Station nihimo og hot pursuit operation nga miresulta sa pagkasikop sa suspek sa Purok 3, Poblacion, Sibutad, Zamboanga del Norte mga alas 7:50 sa gabii sa samang adlaw.
Narekober gikan sa crime scene ang usa ka hunting knife nga adunay sukod nga 13.5 pulgadas lakip na ang kuptanan nga adunay scabbard. Ang biktima gidala sa Sibutad Municipal Hospital aron matambalan dayon gi-refer sa Zamboanga del Norte Medical Center. Ang suspek anaa na sa kustodiya sa Sibutad Municipal Police Station alang sa tukmang disposasyon.
(Source: PNP ZamPen)