Misurender ang usa ka indibidwal og usa ka yunit sa improvised shotgun nga walay bala sa Piñan Municipal Police Station isip kabahin sa Oplan Katok nga gihimo sa Barangay Calican, Piñan, Zamboanga del Norte.
Ang voluntary surrender nahitabo atol sa Strong Police Presence activity sa mga personnel sa Piñan MPS, nga nagtumong sa pagpahugot sa kaluwasan ug pagpamenos sa loose firearms sa komunidad.
Matud sa kapulisan, nagpakita kini sa padayong paningkamot sa estasyon sa pagpanalipod sa katawhan ug sa pagpalig-on sa kalinaw ug kahusay sa lugar pinaagi sa kooperasyon sa komunidad.(JENIFFER JR. DELICA)