Mipaabot sa iyang mensahe si Gob. Elect Nanay Nene Jalosjos, atol sa ika-70 nga anibersaryo sa pagkatukod sa Zamboanga del Norte, kaniadtong Hunyo 06, 2022.
Si Gob Nene Jalosjos, nga nag tamod sa iyang panultihon, ‘Misyon ko; Tinuod nga Serbisyo”, miduyog sa kasaulogan sa ika-70 nga kasumaran sa pagkamugna sa probinsya.
“Igahin ta kining selebrasyon sa pagpasidungog sa atong mga health workers nga migahin sa ilang kahanas, sakripisyo ug tinuoray nga serbisyo panahon sa pandemya” -matud ni incoming Governor Nanay Nene Jalosjos
Ingon man iyang gipasalamatan ang  mga mag-uuma, mga mangingisda ug tanang naa sa sektor sa agrikultura nga nagsiguro nga naa kitay seguridad sa pagkaon ilabina sa panahon sa pandemya.
Gidayeg ni Gob. Nene Jalosjos, ang tanang naa sa sektor sa edukasyon, mga magtutudlo, nga nagsiguro nga mapadayon ang edukasyon sa mga estudyante.
“Atong pagsaludar usab sa tanang nagsiguro sa kahapsay ug kalinaw ug mga tig-responde panahon emerhensiya.”
“Susamang pagdayeg atong itugpo ngadto sa tanang katawhan sa Zamboanga del Norte kinsa migahin sa ilang kadasig, kakugi ug gugma para masiguro ang panginahanglanon sa tagsa-tagsa nga pamilya ug makaserbisyo sa uban.”
“Nagahangyo ako kaninyong tanan nga ihiklin ta ang pulitika. Maghugpong ta sa atong kusog. Magkuyog ta sa pagbangon ug pag-asenso. Panapos nga mensahe ni Governor elect Nene Jalosjos.” -dugang ni incoming Governor Nanay Nene Jalosjos. (Nena Garcia)