Miduol og nangayo og tabang ang inahan sa usa ka OFW nga namatay sa Lebanon ngadto sa mga lider sa Zamboanga del Norte aron mapadali ang pagpauli sa lawas sa iyang anak.
Ang biktima giila nga si Honeylith Zamoras, 31 anyos ug taga Barangay Olingan, Dipolog City, nga namatay human mapusil sa nasud sa Lebanon, sumala sa report.
Sumala sa iyang inahan nga si Helen Zamoras, wala mibalibad si kanhi Cong. Rosendo “Dodoy” Labadlabad sa ilang hangyo ug mipasalig dayon sa pagtabang, uban usab sa suporta ni Congresswoman Irene Labadlabad aron mapaspas ang koordinasyon sa mga ahensya sa gobyerno.
Nagpasalamat ang pamilya sa natabang nga suporta ug naglaum nga mapadali ang repatriation aron mahatagan og husto nga pagpanamilit ang biktima dinhi sa iyang yutang natawhan.(JENIFFER JR. DELICA)
Source: Zanorte News Flash