Malampusong gipadayon ang ikaduhang adlaw sa 4th Quarter Social Pension payout alang sa mga indigent senior citizens kaniadtong Disyembre 3, 2025, diin ang mga benepisyaryo sa Barangay Sta. Isabel nakadawat sa ilang ayuda sa OSCA Covered Court.
Sa unang impormasyon, gipahigayon ang payout sa nagkadaiyang covered courts sa matag barangay. Apan alang sa Sta. Isabel, sa OSCA Covered Court kini gi-patuman. Ang mga senior sa Barangay Sicayab nakadawat sa ilang pension sa San Jose Chapel, samtang ang mga taga Barangay Lugdungan gi-serbisyohan sa ilang Barangay Hall.
Gipangulohan sa City Social Welfare and Development Office ang aktibidad uban ang koordinasyon sa Office of the Senior Citizens Affairs ug sa Department of Social Welfare and Development, aron masiguro ang hapsay ug tukmang pagpagawas sa benepisyo sa tanang kwalipikadong senior citizens.(IKEN B. GULLEM)
SOURCE: Dipolog City Government