Malampuson sa gihapon gisaulog ang Harvest Festival on Organic Vegetable Production sa Barangay Head Tipan, Mutia, Zamboanga del Norte niadtong Nobyembre 28, 2024 bisan paman sa walay hunong nga pag ulan hinungdan sa ubang parte sa maong barangay ang gibaha.
Ang maong nasangpit nga aktibidad sa lungsod sa Mutia ang Zamboanga del Norte Agricultural Extension Program kon ZNag ni Governor Rosalina “Nanay Nene”Jalosjos .
Subay niini hugtanung gipasalamatan kini ni Liza Turno, ang presidente sa Head Tipan Farmers Association ngadtu Governor Rosalina “Nanay Nene” Jalosjos sa pagpahigayon niini sa Zamboanga del Norte,apil na ang Organic Farming sa lungsod sa Mutia ZN.
Matud pa sa taho ni Ms. Daisy Tamparong, treasurero sa maong asosasyon, nga kanhiay pang mikita na ang Head Tipan Farmers Association ug daku nga abot. Dugang saysay pa ni Ms. Turno, pasalamaton silag dako sa pamilyang Morelos kinsa boluntaryong mipagamit kanila sa usa ka ektaryang lote nga wala man gani mangayo ug abot kung unsa man gani ang ilang makuha nga abot sa maong yuta nga ilang giugmad. Sigun pa ni Ms. Morelos, ila usab kining gikalipay ug dako nga mahimong kabahin sa ZNag program ni Governor Rosalina “Nanay Nene” Jalosjos diin usa kini ka dakung dungog nga makapaambit o makatabang sila ug paningabuhian sa matag usa sa katawhan sa nahisgutang barangay.
Sa gipahigayong programa, gipasalamatan ni Head Tipan Punong-Barangay Rodelo Dalogdog sa ZNag program ug ang pamilya Morelos.
Ang Provincial Agriculturist Ms. Maybel Bustaliño, kinsa mirepresentar ni Governor Jalosjos sa maong aktibidad nga sa karong tuiga dako ang budget nga gigahin alang ning programahan sa kagamhanang-probinsyal alang na sa organic farming. Gihatagan usab ni Ms. Bustaliño ug pahalipay ang Head Tipan Farmers Association isip labing unang organically grown garden dinhi sa Zamboanga del Norte nga nagpaila sa kalainan sa tanom nga gigamitan ug organic fertilizer diin nagpabiling gapatigayon ug maayong klase sa produkto human sa 23 ka higayon nga gikuhaan na kinig bunga.
Gahatag ug dugang kasadya sa harvest festival mao ang Lutong Bahay sa Kusina Ni Nanay Nene Cooking contest nga usa sa mga programa nga kanunay ng gibuhat matag harvest festival. (Angelica T. Obina)
(Source: PIC Zanorte)