Gisugdan sa Local Government Unit sa Salug ang pagtukod sa drainage system nga nagkantidad og ₱19.99 milyon pinaagi sa groundbreaking ceremony niadtong Hulyo 22 aron mapalig-on ang flood control ug mapaayo ang imprastraktura sa lungsod.
Ang proyekto maglangkob sa pagtukod sa drainage system ubay sa M. Roxas, Martinez, M.L. Quezon, J.P. Laurel, A. Bonifacio, ug Sebastiana Streets. Gilauman nga makatabang kini sa hustong pag-agas sa tubig sa ulan, pagkunhod sa pagbaha, ug pagpaayo sa kahimtang sa mga kadalanan.
Ubos sa liderato ni Mayor Dr. Ruth M. Brillantes, gipasabot sa LGU Salug nga kabahin ang proyekto sa padayon nilang paningkamot sa paghatag og mas maayong imprastraktura ug episyenteng serbisyo alang sa katawhan.
Gilauman usab nga ang maong drainage project makahatag og mas luwas nga palibot ug dugang proteksyon sa mga residente batok sa mga epekto sa kusog nga ulan ug pagbaha.(JENIFFER JR. DELICA)
Source: Municipality of SALUG