Arestado sa gikasa nga drug buy-bust operation sa mga personahe sa kapulisan ang usa ka habal-habal driver nga gituohan nga nagpayuhot sa ginadili nga drugas, didto sa Purok Sakayanon, Brgy. Miputak, dakbayan sa Dipolog, Abril 24, 2024.
Naila ang dinakpan nga alyas “Jhon-jhon”, 23 anyos, ulitawo, usa ka habal-habal driver ug residente sa Purok Orchids, Brgy. Gulayon ning syudad sa Dipolog.
Nasikop kini sa hiniusang pwersa sa mga personahe sa Dipolog CPS (SDET) nga gipangulohan ni PLT. Berjohn Tianok (Lead Unit), RDEU 9, ZNPDEU, 1st ZNPMFC, ug sa koordinasyon sa ZN PDEA 9.
Ang mga nakumpiska nga butang gikan sa control ug posesyon sa suspek giturn-over ngadto sa ZDN Provincial Forensic Unit alang sa qualitative ug quantitative nga eksaminasyon.
Samtang ang suspek anaa na karon naka kustodiya sa Dipolog CPS alang sa tukmang disposisyon. (Medalyn U. Borja)