Personal nga gisusi ni Governor Darel Dexter T. Uy ang kahimtang sa tanang sakyanan ug opisina sa Provincial Capitol Compound sa Dipolog City, niadtong Biyernes sa hapon, Hulyo 4, 2025.
Gitinguha sa Gobernador nga masuta ang kahimtang ug kondisyon sa mga sakyanan ug kagamitan nga gigamit sa nagkadaiyang opisina sa Probinsya.
Atol sa inspeksyon, iyang nadiskobrehan nga aduna pay daghang gamit nga wala magamit ug ang uban wala matino ang tinud-anay nga katuyoan.
Apil sa iyang gibisita ang mga opisina diin iyang nadungog ang mga reklamo sa mga empleyado may kalabotan sa guba nga atop, aircon nga dili na muandar ug mga kagamitan nga nadaot na.
Matod pa sa Gobernador, ang maong lakang kabahin sa iyang unang mga lakang isip Gobernador aron maseguro ang husto nga paggamit sa pondo sa Probinsya ug mapaayo ang serbisyo alang sa katawhan sa Zamboanga del Norte.(Jumalisa Papa)
Source: ZNPNN