Usa ka Free Haircut ang gitanyag sa mga personahe sa kapulisan sa Roxas Municipal Police Station,isip kabahin sa selebrasyon sa ika-31 nga Police Community Relations (PCR) Month nga subay sa tema nga “In the New Philippines, Ugnayang Police and Citizens: Honest, Reliable, and Feelings of the People,” nga gipahigayon niadtong Hulyo 20,2026,didto sa Roxas Gymnasium, Barangay Langatian, Pres. Manuel A. Roxas, Zamboanga del Norte.
Ang maong kalihokan gihimo ubos sa direktang pagdumala ni PCPT Educated C. Galotado nga nahimong kabahin sa PNP Good Deeds Program ,giatol usab sa selebrasyon sa PAG-ASA Youth Association of the Philippines (PYAP).
Lakip sa mga misuporta sa programa mao ang mga kawani sa Municipal Social Welfare and Development Office (MSWDO) ubos sa pagpangulo ni Mr. Alfeo R. Bubutan, RSW, MPM, inubanan sa nagkalain-laing opisina sa LGU ug mga stakeholders,kinsa mipasiugda sa makahulagong inisiyatiba alang sa libreng serbisyo alang sa mga kabataan sa pag-atiman sa panagway (grooming).
Gipasiugda sa mga partisapante ang pagsalig sa kaugalingon, paghatag og gahum sa kabatan-onan, ug aktibong partisipasyon sa komunidad, samtang gipalig-on pa ang relasyon tali sa kapulisan ug sa katawhan.(MEDALYN U. BORJA)
Source: PNP Pres.Manuel A. Roxas