Gipasiugdahan ni PBGEN Edwin A. Quilates, Acting Regional Director, ang Food Security Program for Peace and Development niadtong nilabayng adlaw, aron palig-onon ang pagkaon, kalinaw, ug paglambo sulod sa Police Regional Office 9.(PRO 9).
Ang programa nagpunting sa lima ka tumong: pagpalambo sa sustenableng tanom-tanom sa mga opisina, pagdasig sa himsog nga pamaagi sa kinabuhi, paghatag og produktibong kalihokan sa personnel, paglig-on sa panaghiusa sa matag yunit, ug pagsiguro sa kanunay nga pag-atiman sa mga tanom sa ilang tagsa-tagsa ka opisina.
Sa iyang mensahe, giingon ni Quilates ang panginahanglan sa pagpalig-on sa kaugalingong kapasidad sa pagkaon, diin iyang gihingusgan nga dapat magsugod ta sa atong kaugalingon aron makatabang sa nagkadugang panginahanglan sa pagkaon sa nasod.(JENIFFER JR. DELICA)
Source: Police Regional Office 9