Gipahigayon ang Food Redemption o distribution of goods ubos sa Walang Gutom Program sa Poblacion South Covered Court sa lungsod sa Piñan, Zamboanga del Norte niadtong Marso 12, 2026.
Gipanghatag sa mga benepisyaryo ang lain-laing food items aron makatabang sa ilang panginahanglan ug mapalig-on ang kampanya batok sa kagutom sa komunidad.
Mitabang sa pagpatuman sa programa ang mga personnel sa DSWD-IX ug ang Municipal Social Welfare and Development Office aron masiguro nga maabot sa hustong mga benepisyaryo ang mga hinabang.
Nagpadayon ang lokal nga panggamhanan sa Piñan sa pagpatuman sa mga programa nga nagtumong sa pagtabang sa mga pamilyang nanginahanglan ug sa pagpalig-on sa kaayohan sa komunidad.(JENIFFER JR. DELICA)
Source: Mayor Rommel Gudmalin