Nagpahigayon og Fire Square Roadshow ang Bureau of Fire Protection pinaagi sa Dapitan City Fire Station sa Dampalan Elementary School ug Dampalan Secondary School sa Barangay Dampalan, Dapitan City isip kabahin sa pagsaulog sa Fire Prevention Month 2026.
Ang kalihokan gitumong sa pag-edukar sa mga estudyante bahin sa batakang kahibalo sa fire safety ug mga paagi sa paglikay sa sunog sa balay ug eskwelahan.
Pinaagi sa mga diskusyon ug demonstrasyon, nakakat-on ang mga partisipanteng estudyante sa hustong pag-atubang sa mga posibleng insidente sa sunog ug sa kahinungdanon sa pag-andam sa emerhensiya.
Sumala sa BFP, ang maong inisyatiba kabahin sa pagpalig-on sa kahibalo sa kabatan-onan aron mahimo silang aktibong tigpalambo sa fire safety sa ilang pamilya ug komunidad.(JENIFFER JR. DELICA)
Source: BFP R9 Dapitan City Fire Station