(MARSO 25, 2026)– Gipahigayon ang final coordination meeting alang sa “Katkat Sakripisyo 2026” sa 2nd Floor Social Hall sa City Hall ning dakbayan sa Dipolog isip pagpangandam sa umaabot nga selebrasyon sa Semana Santa.
Gipangunahan ni City Legal Officer Atty. Goldie Love P. Gonzales ang miting uban ni City Tourism Officer Cecil R. Bilog, kauban ang nagkadaiyang opisina nga nalambigit sa maong kalihokan.
Gisiguro sa panagtigom ang hapsay ug organisadong pagpatuman sa relihiyosong aktibidad pinaagi sa maayong koordinasyon sa tanang ahensya.
Ang maong lakang nagtumong sa paghatag og luwas ug maayong dalagan sa “Katkat Sakripisyo 2026” alang sa publiko.(JENIFFER JR. DELICA)
Source: Dipolog City Government