DIPOLOG CITY (Marso 25, 2026) – Naghiusa ang nagkalain-laing Civil Society Organizations (CSOs) sa probinsya atol sa CSO Conference nga gipahigayon sa Provincial Capitol aron palig-onon ang partisipasyon sa komunidad.
Gipangunahan sa Probinsyal nga Pangagamhanan ubos sa liderato ni Gov. Darel Dexter Uy ug DILG Provincial Director Mario A. Baterna ang kalihokan nga nagtutok sa kolaborasyon tali sa gobyerno ug civil society sa pagpalambo sa mga programa sa probinsya.
Lakip sa maong tigum ang pagpili sa bag-ong set of officers sa CSO federation nga magsilbing tingog sa mga organisasyon ug tigpanalipod sa interes sa katawhan.
Gilauman nga pinaagi sa lig-on nga panaghiusa ug aktibong partisipasyon, mas mapakusgan ang implementasyon sa mga inisyatiba ug mas mapalambo ang serbisyo publiko sa Zamboanga del Norte.(JENIFFER JR. DELICA)
Source: Zamboanga del Norte Provincial News Network