Gipahigayon sa Polanco Municipal Police Station ang community outreach activity pinaagi sa feeding program sa Sunbeam Learning Center, Poblacion South, Polanco, Zamboanga del Norte.
Nakaabot ang maong kalihokan sa 20 ka estudyante diin gihatagan sila og pagkaon ug panahon alang sa pag-atiman ug pagpakita og pagkamanggihatagon.
Dili lamang paghatag og pagkaon ang tumong sa kalihokan, kundili usab ang pagpalig-on sa relasyon tali sa kapulisan ug komunidad pinaagi sa pagtinabangay ug serbisyo.
Pinaagi sa maong inisyatibo, gipasiugda sa PNP Polanco ang kahinungdanon sa pagkamaloloy-on, panaghiusa ug padayong pag-alagad aron makatampo sa mas luwas ug nagkahiusang komunidad.(JENIFFER JR. DELICA)
Source: PNP Polanco Municipal Police Station