Nagpahigayon og feeding activity ug pag-apod-apod og school supplies ang mga personahe sa Polanco Municipal Police Station, uban sa mga opisyal sa Barangay Bandera, sa Bandera Elementary School, Barangay Bandera, Polanco, Zamboanga del Norte.
Gipahigayon ang kalihokan isip kabahin sa selebrasyon sa ika-31 Police Community Relations (PCR) Month nga adunay tema nga, “Sa Bagong Pilipinas, Ugnayang Pulis, Mamamayan: Tapat, Maaasahan, at Nararamdaman ng Bayan.”
Tumong sa maong kalihokan ang pagtabang sa panglawas, nutrisyon ug kaayohan sa mga estudyante, samtang gipalig-on ang relasyon tali sa Philippine National Police (PNP) ug komunidad pinaagi sa makahuluganon nga serbisyo publiko.
Pinaagi sa maong inisyatiba, gipakita sa kapulisan ug barangay officials ang ilang panaghiusa sa paghatag og suporta sa mga kabataan ug sa pagpalambo sa mas lig-on nga Police-Community Partnership.(IKEN B. GULLEM)
Source: PNP Polanco Municipal Police Station