Gisuspinde ang tanang face-to-face classes sa Public ug Private Educational Institutions sa tibuok munisipyo sa Pres. M.A. Roxas sa Lunes, Nobyembre 17, 2025, tungod sa padayon nga grabe nga panahon dala sa Intertropical Convergence Zone (ITCZ).
Sumala sa opisyal nga pahibalo sa lokal nga panggamhanan, ang desisyon gihimo aron malikayan ang kadaut sa kinabuhi, kabtangan, ug posibleng kadaot sa panglawas sa mga estudyante ug personnel. Ang padayon nga ulan dala sa ITCZ gilauman nga makaresulta sa pagbaha sa mga ubos ug flood-prone nga lugar sa munisipyo.
Gidasig ang tanang ginikanan, estudyante, ug eskwelahan nga magpabilin sa balay ug magbantay sa mga advisory gikan sa lokal nga disaster risk reduction office aron masiguro ang kaluwasan sa tanan.
Ang lokal nga panggamhanan padayon nga ipahibalo ang dugang nga advisories depende sa kahimtang sa panahon sa mga umaabot nga adlaw.(IKEN B. GULLEM)
Source: ROXAS ZAMBONORTE
