Isip kabahin sa pagpasiugda sa Basic First Aid ug Basic Life Support,mipahigayon ug Earthquake/Fire drill and Lecture ang mga personahe sa Bureau of Fire Protection – Turno Fire Sub-Station, ngadto sa mga miyembro sa Boy Scouts of the Philippines (BSP) ug Girl Scouts of the Philippines (GSP) kaniadtong Agosto 22,2026.
Ang maong aktibidad gihimo ubos sa pagpanguna ni SFO1 Reymar B. Pacaldo (Acting Sub-Station Commander) ug sa pagdumala ni FSINSP Aprilyn B. Barbaso (Acting City Fire Marshal), diin ang kalihokan naglakip sa mga lecture ug demonstrasyon bahin sa Basic First Aid ug Basic Life Support (BLS) nga gipasiugdahan sa mga personahe sa EMS gikan sa Dipolog City Fire Station.
Gitumong sa kalihokan ang pagpalambo sa kahibalo, kaandam, ug katakos sa mga partisipante sa pagtubag sa hustong paagi panahon sa mga emerhensya—ilabi na panahon sa mga linog, sunog, ug mga sitwasyon nga nagkinahanglan og dinaliang medikal nga tabang.
Pinaagi sa praktikal nga mga demonstrasyon ug hands-on nga pagbansay, nakakuha ang mga partisipante og mahinungdanong kahibalo ug kahanas bahin sa kaluwasan batok sa sunog, kaandam sa kalamidad, basic first aid, ug mga pamaagi sa pagluwas sa kinabuhi.
Ang BFP Turno Fire Sub-Station nagpabiling dedikado sa pagpalambo sa kultura sa kaluwasan, kaandam, ug kalig-on sa komunidad pinaagi sa padayon nga paghatag og edukasyon bahin sa kaluwasan batok sa sunog ug pagbansay sa pagtubag sa emerhensya.(MEDALYN U. BORJA)
Source: BFP R9 Turno Fire Sub-Station