Gilusad sa Mutia Municipal Fire Station ang bag-ong E-Compliance Kiosk kaniadtong Disyembre 1, 2025, aron mas mapadali ug mahimong mas accessible ang digital nga serbisyo sa publiko.
Ang kiosk nagtumong sa paghatag ug libre ug sayon nga access sa Fire Safety Inspection System (FSIS) alang sa mga kliyente nga walay smartphone, computer, o lig-on nga internet. Pinaagi niini, makaproseso na ang mga negosyante, permit applicants, ug komunidad sa ilang online transactions nga may kalabotan sa fire safety requirements nga walay dugay nga hulat ug walay dugang gasto.
Gipasiugdahan kini sa Acting Municipal Fire Marshal SFO2 Isidro E. Dalida Jr., isip kabahin sa padayong modernisasyon sa Bureau of Fire Protection (BFP) ug sa pagpalig-on sa transparency ug paspas nga pagserbisyo sa publiko. Ang proyekto nagpakita sa paningkamot sa BFP nga dad-on ang digital nga serbisyo mas duol sa katawhan ug masuportahan ang mas luwas ug lig-on nga lokal nga pangagamhanan.(IKEN B. GULLEM)
Source: Mutia Mfs