POLANCO, ZAMBOANGA DEL NORTE – Andam na ang lungsod sa Polanco sa pinakadakong selebrasyon sa tuig sa pagdaos sa Duyog Pasalamat Sinulog sa Polanco 2026 karong Enero 18, nga maghiusa sa pagtuo, kultura, ug pasalamat pinaagi sa misa, prosisyon, street dancing, ug dagkong kompetisyon.
Sugdan ang kalihokan sa alas-1:00 sa hapon pinaagi sa Thanksgiving Holy Mass, sundan sa prosisyon ug street dancing, samtang ipahigayon usab ang Sinulog Grand Showdown Competition ug Duyog Pasalamat Festival Queen Competition. Tapuson ang selebrasyon sa Duyog Pasalamat sa Kagab-i-on, nga tampokan sa Pambansang Uga nga si Bini Rowell Divina, kauban ang Beyond Acoustic, DJ Jun Barita, ug MC Reggie Jukes.
Kapin ₱300,000 ang kinatibuk-ang premyo nga ipanghatag sa nagkadaiyang kategoriya, lakip ang Grand Showdown, Festival Queen, special awards, ug Best Señor Santo Niño Caro. Nagkalain-laing tribu ug eskwelahan ang moapil sa kompetisyon, nga nagpakita sa lig-on nga partisipasyon sa komunidad ug sa padayon nga debosyon sa Santo Niño, nga mao ang sentro sa tibuok selebrasyon.(JENIFFER JR. DELICA)
Source: Turismo Polanco