KATIPUNAN, ZAMBOANGA DEL NORTE – Andam na ang baybayon sa Lingbels Beach Resort alang sa 4th Mayor Maiko Wong Invitational Bancarera nga ipahigayon sa umaabot nga Enero 26, 2026, isip kabahin sa pagselebrar sa 112th Araw ng Katipunan.
Pinaagi sa pagpangulo ni Mayor Maiko Wong, ang panagatan naghiusa sa mga Katipunero ug mangingisda pinaagi sa lain-laing kategorya lakip ang Invitational Open Panagatan, Exclusive Katipunero’s Fisherfolk’s Stock Panagatan, ug Fisherfolk’s Bugsay Category.
Ang kalihokan nagpasundayag sa kusog nga panaghiusa sa komunidad ug pagpasidungog sa papel sa mangingisda sa kasaysayan ug kultura sa Katipunan, nga nagpalig-on sa espiritu sa kasadya ug pagkahiusa sa lungsod.(JENIFFER JR. DELICA)
Source: Bag-ong Katipunan