Mubalor sa dul-an hapit P1 Milyones ka pesos nga kantidad sa mga Smuggled nga Sigarilyo ang na-intercept sa mga personahe sa kapulisan gikan sa usa ka indibidwal atol sa checkpoint operation mga alas 9:30 ang takna sa buntag niadtong Agosto 28, 2026, didto sa didto sa Sitio San Roque, Brgy. Poblacion, Kalawit, Zamboanga del Norte.
Ang maong nasakmit nga mga smuggled cigarettes, nakuha gikan sa usa ka 26-anyos nga lalaki, nga residente sa Purok Sampaguita, Brgy. Don Andres, Ipil, Zamboanga Sibugay.
Ang pagkadakop ug pagkakumpiska sa mga nasangpit nga mga kontrabandong mga sigarilyo gihimo pinaagi sa mga personahe sa Kalawit Municipal Police Station (Kalawit MPS), ubos sa pagpanguna ni PMAJ CASMIR N MARTINEZ, ACOP sa Kalawit MPS.
Nasayran nga nagsugod ang operasyon sa dihang gipahunong sa checkpoint ang usa ka burgundy nga Toyota Revo SR, apan, gipadali sa drayber ang dagan sa sakyanan ug misulay sa pag-ikyas gikan sa checkpoint.
Ang suspek daling mikanaog sa sakyanan ug misaka paingon sa bakilid ug daghang sagbot nga lugar, nga dayag nga misulay sa pag-ikyas ug pagtago gikan sa mga personahe sa PNP nga naggukod kaniya diin dali usab kining gigukod sa mga personahe malampusong nasikop.
Atol sa inspeksyon ug beripikasyon sa sakyanan, nakaplagan sa mga operatiba ang kinatibuk-ang onse (11) ka mga kaha (cases) sa gituohang gipuslit nga Canon Green nga sigarilyo sa sulod sa sakyanan, nga adunay gibanabanang kantidad nga Php 990,000.00 base sa Standard Price Index sa Bureau of Customs (BOC).
Ang dinakpan nga indibidwal,gipahibalo ka bahin sa iyang mga katungod ubos sa konstitusyon gamit ang pinulongan nga iyang nasabtan, lakip na ang pahimangno batok sa torture ug dayon gidala sa Kalawit Rural Health Unit alang sa medikal nga eksaminasyon.
Samtang, ang mga walay dokumento/gipuslit nga sigarilyo ug ang sakyanan gibutang ubos sa kustodiya sa Kalawit MPS alang sa tukmang disposisyon ug angay nga legal nga aksyon.
Ang Philippine National Police (PNP) nagpabiling lig-on sa kampanya niini batok sa smuggling pinaagi sa pagpahigayon og gipakusog nga mga operasyon sa checkpoint ug estriktong pagpatuman sa mga kasamtangang balaod.
Tumong niining mga inisyatibo ang pagpugong sa ilegal nga pagdala sa mga produkto ug uban pang gidili nga mga butang aron sa pagpalig-on sa presensya sa kapulisan, ug pagsiguro sa kaluwasan ug seguridad sa publiko.(MEDALYN U. BORJA)
Source: PNP Kalawit Municipal Police Station