Dali nga mitubag ang Shift B EMS personnel sa Liloy Municipal Fire Station sa usa ka vehicular accident sa Brgy. Overview, Liloy, Zamboanga del Norte niadtong alas 2:08 sa hapon, Pebrero 11, 2026. Ang team naglihok ubos sa liderato ni FINSP Dave C. Dela Cruz, Acting Municipal Fire Marshal.
Pag-abot sa lugar, gisiguro sa mga miresponde nga luwas ug kontrolado ang sitwasyon. Duha ka pasyente ang ilang nakit-an nga naglingkod, hapsay ang kahimtangan ug responsive, apan adunay gagmay’ng samad sa ilang ubos nga bahin sa lawas.
Gihatagan dayon sila og first aid lakip ang paglimpyo sa samad gamit povidone-iodine solution ug pagbutang og sterile dressings. Bisan pa sa tambag, mihangyo ang duha ka pasyente nga dili na dad-on sa ospital human silang mapahimangnoan sa posibleng risgo.
Gitambagan usab sila sa mga personahe nga magpahulay ug magpakonsulta dayon sa doktor kon adunay komplikasyon nga mabati.(JENIFFER JR. DELICA)
Source: BFP R9 Liloy Fire Station