Naoperahan ang 9 ka pasyente sa Zamboanga del Norte Medical Center sa Dipolog City ubos sa libreng surgical mission sa programa ni Governor Darel Dexter T. Uy niadtong Pebrero 10, 2026.
Gipahimuslan sa mga benepisyaryo ang serbisyo alang sa nagkalain-laing kondisyon lakip ang mga bukol sa thyroid, ilok, dughan, sternum, granuloma, ug hernia nga wala na sila magbayad og dako nga kantidad alang sa operasyon.
Gidumala ang mga surgical procedure sa mga espesyalistang doktor gikan sa Cebu nga nagbisita matag bulan aron mosuporta sa health program sa probinsya ug mapalapad ang access sa libre nga serbisyong medikal.
Padayon nga ginapalig-on sa kagamhanang probinsyal ang maong inisyatiba aron mas daghang residente sa Zamboanga del Norte ang makadawat og angay ug abot-kayang serbisyo sa panglawas.(JENIFFER JR. DELICA)
Source: Zamboanga del Norte Provincial News Network