Sikop sa gikasa nga drug buy-bust operation sa mga tinugyanan sa balaod ang duha ka Directorate for Intelligence (DI )individual mga ala 1:05 ang takna sa hapon, niadtong Oktubre 12,2025,didto sa Barangay Miputak, ning dakbayan sa Dipolog.
Naila ang mga dinakpan nga suspek nga usa ka 41-anyos ug 39 anyos puros lalaki ,ulitawo, ug walay trabaho.
Ang pagkasikop gihimo pinaagi sa mga personahe sa Regional Drug Enforcement Unit 9 (RDEU9)-Team Zamboanga del Norte, sa pakig-alayon sa Philippine Drug Enforcement Agency (PDEA) Regional Office 9 ug Dipolog City Police Station.
Nakuha gikan sa ilang possession ug control ang gibana-banang 20 gramos sa gituohang shabu nga gibana-banang mobalor og P136,000.00.
Ang mga nakuha nga ebidensiya nga dili druga naglakip sa usa (1) ka tinuod nga P500 nga bayronon nga gigamit isip buy-bust money, usa (1) ka Nokia android cellular phone, ug usa (1) ka RealMe android cellular phone.
Ang tanang nakumpiska nga drugas gi-turnover sa Zamboanga del Norte Provincial Forensic Unit alang sa eksaminasyon, samtang ang mga dinakpan anaa na sa kustodiya sa Dipolog City Police Station alang sa medikal, saktong disposisyon ug pasakaan og tukmang kaso nga kalapasan sa Republic Act No. 9165 o naila sa Comprehensive Dangerous Drugs Act of 2002.(Medalyn U. Borja)
Source: Dipolog CPS