Dakpan ang usa ka wanted nga indibidual sa kasong murder ug frustrated murder atol sa gipahigayon nga operasyon sa mga kapulisan didto sa Purok Pag-asa, Brgy. Barra Dipolog City.
Nailhan ang dinakpan nga si alyas Dante, 32 anyos ang panuIgon, usa ka lumad nga mananagat ug residente sa Riverside, Barrio Look sa nahisgutang barangay.
Ang suspetsado nasikop pinasikad sa warrant of arrest tungod sa nahisgutang nga mga kaso sa unahan.Diin ang warrant pinetsahan kaniadtong Oktobre 3,2024.
Ang korte walay girekomendar nga pyansa alang na sa kaso nga murder, pero sa kasong frustrated murder adunay P200,000 nga tanyag nga pyansa para sa temporaryo niyang kagawasan.
Sa pagkakaron ang dinakpan anaa na sa selda sa Dipolog CPS para sa tukmang disposasyon. (Angelica T. Obina)
(Source: Dipolog PNP)