Dugang 7 ka mga barangay sa lungsod sa Rizal, Zamboanga del Norte ang nakapahimulos sa Gugma-Ayuda ni Nanay Outreach Program.
Ang 7 ka mga barangay nga nakapahimulos sa community outreach program karong adlawa, nakabenepisyo sa mga serbisyong gilugway sa nagkalain-laing buhatan sa Kagamhanang-Probinsyal mao ang Barangay Nilabo, Damasing, Nangca, Mabunaw, Sebaca, Nasipang ug Balubuhan, kon diin gipahigayon ang nasangpit nga outreach program.
Aduany 343 ang nakapahimulos sa konsultasyon ug libreng tambal, 89 ang naibtan ug ngipon, 34 ka mga bata ang natuli sa mga doctor, nurses gikan sa Provincial Health Office, Zamboanga del Norte Medical Center ug Sibutad Rural Health Unit ug uban pang health service providers.
Ang Office of the Provincial Agriculturist nanghatag ug 1,500 ka pakate sa liso sa nagkalain-laing matang sa mga utanon, 200 ka paketeng binhi sa mais ug 100 ka paketeng organic fertilizer, samtang ang PROVET nanghatag ug purga sa 204 ka mga baboy, 1,718 ka mga manok, 5 ka mga iring ug 4 ka mga iro, ingon man anti-rabies vaccination sa 10 ka mga iro, ingon man ice candy.
Ang Provincial Social Welfare and Development Office nanghatag ug 2,100 ka kilong bugas ug lamiang champorado sa mga residente sa 7 ka mga barangay.
Samtang ang Provincial Disaster Risk Reduction and Management Office milugway ug libreng alot sa 20 ka mga indibidwal atol sa gipahigayong outreach caravan.
Alayon niini, gumikan sa nakitang kamaya sa panagway sa iyang katagi-balangay, kinasing kasing nga gipasalamatan ni Balubuhan Punong Barangay Diosminda Tan-Samson, sa ngalan sa ubang mga barangay nga nakapahimulos sa mga serbisyong dala sa Team Ayuda, si Governor Rosalina Jalosjos kay karon ila nang nasinati sa pagpili sa mahimong mangulo sa lalawigan, kinsa usa ka gobernador nga matinud-anon sa iyang panultihon nga ,”Misyon Ko, Tinuod nga Serbisyo.
Dugang pa ni Kapitan Samson, timing kayo ang tag lima ka kilong bugas kay dako na kaayo kini’g ikatabang sa mga kabus natong kaigsoonan nga labing nag-antus karon gumikan sa pagmahal sa bugas. (PIC-ATRuda, with Rosella Aba-a and Jeoffrey Lacay-Photographer)
(Source: Provincial Information Center ZaNorte Facebook page)