Malampusong gipahigayon ang SLPA Turnover sa Pob. South Golden Roost ubos sa Sustainable Livelihood Program sa Department of Social Welfare and Development kauban ang LGU Piñan niadtong February 11, 2026.
Opisyal nga gitunol sa DSWD ang suporta ug mga benepisyo sa asosasyon nga nagkantidad og ₱540,000.00 isip kapital, kagamitan, ug dugang pondo alang sa ilang napiling livelihood project.
Sumala sa mga opisyal, tumong sa programa nga mapalambo ang panginabuhian sa mga miyembro pinaagi sa konkretong suporta aron madugangan ang ilang kita ug mapalig-on ang ilang asosasyon.
Gipasalamatan sa lokal nga pangulohan ang DSWD sa padayon nga paghatag og programa alang sa katawhan, samtang gidasig ang mga miyembro sa Pob. South Golden Roost SLPA nga ampingan ug palamboon ang nadawat nga pondo alang sa padayon nga kalamboan sa komunidad.(JENIFFER JR. DELICA)
Source: Mayor Rommel Gudmalin