Malampusong nakumpiska sa kapulisan ang 12 ka gramos sa gituohang shabu gikan sa usa ka drug suspek atol sa gipatuman nga joint buy-bust operation mga alas 9:50 ang takna sa gabhion niadtong Marso 10, 2026, didto sa Barangay Olingan, Dipolog City, Zamboanga del Norte.
Naila ang dinakpan nga usa ka 36 anyos nga lalaki, data-based listed Street Level Individual (SLI), minyo, usa ka SPX delivery rider, ug residente sa susamang Barangay.
Ang pagdakop sa suspek gihimo pinaagi sa mga personahe sa RDEU9 Team Zamboanga del Norte (Lead Unit) kauban ang Dipolog City Police Station, ZN MARPSTA, ug Zamboanga del Norte Maritime Police Station, uban sa koordinasyon sa PDEA9.
Nakumpiska gikan sa suspek atol sa operasyon mao ang nagkadaiyang heat-sealed transparent plastic sachet sa gituohang shabu nga adunay kinatibuk-ang gibug-aton nga gibana-bana nga 12 ka gramos nga adunay gibanabana nga standard market value nga Php 81,600.00 uban ang mga butang nga dili druga sama sa P500 nga buy-bust money
Ang mga nakumpiskang droga itugyan ngadto sa Zamboanga del Norte Provincial Forensic Unit alang sa laboratory examination.
Samtang ang nadakpang suspek dad-on sa Zanorte Medical Center alang sa medical examination ug temporaryong i-detain sa Dipolog City Police Station alang sa hustong disposisyon ug pagpasaka sa tukmang kaso.(MEDALYN U. BORJA)
Source: ZNPPO