Balhog karon sa prisohan masikop ang usa ka driver/operator ug heavy equipment atol sa gikasa nga joint manhunt operation sa mga personahe sa kapulisan mga alas 7:30 ang takna sa kagabhion
niadtong Abril 6, 2026, didto sa Barangay San Nicolas, Dapitan, Zamboanga del Norte.
Ang maong dinakpan naila nga si alyas “Dan” 61-anyos nga lalaki, minyo, driver/operator sa heavy equipment, usa ka pinangita sa balaod ug residente sa Maras Sindangan, Zamboanga del Norte, kinsa gidakop tungod sa krimen nga Qualified Theft.
Ang pagdakop sa suspek gihimo pinaagi sa mga operatiba sa Dapitan City Police Station, kauban ang mga personahe gikan sa 1st ZNPMFC, Mabuhay SBC 5th SOU-MG, 901st MC ug RMFB9, pinasikad sa warrant of arrest nga gi-isyu ni HON. VICTORIANO DL. LACAYA, JR, Presiding Judge sa RTC, 9th Judicial Region, Branch 9, Dipolog City, Zamboanga del Norte nga gipetsahan Disyembre 29, 2016 nga walay piyansa nga girekomendar.
Ang dinakpan gipahibalo sa hinungdan sa iyang pagkadakop ug mga katungod konstitusyon sa usa ka diyalekto nga iyang hingpit nga nasabtan ug anaa na kini karon sa kustodiya sa Dapitan CPS alang sa hustong disposisyon.(MEDALYN U. BORJA)
Source: ZNPPO