Naglunsad ang Department of Science and Technology IX sa usa ka serye sa pagbansay pinaagi sa SARAI program aron mapalig-on ang kahibalo sa lokal nga sektor sa agrikultura gamit ang modernong teknolohiya.
Mokabat sa 78 ka partisipante gikan sa nagkalain-laing lokal nga panggamhanan, eskwelahan, ug agricultural extension workers ang mitambong sa mga workshop nga gipahigayon sa Ipil, Dipolog City, ug Pagadian City.
Sa maong pagbansay, gitudloan ang mga partisipante sa paggamit sa Geographic Information Systems (GIS) ug remote sensing pinaagi sa QGIS platform aron mas mapalambo ang crop mapping, spatial analysis, ug tukmang pagplano sa agrikultura base sa datos.
Sumala sa DOST, kabahin kini sa ilang padayon nga programa aron mapauswag ang smart ug climate-resilient agriculture sa rehiyon, nga magtabang sa mga mag-uuma ug komunidad nga mapalambo ang produksyon ug makapahimulos sa teknolohiyang makatabang sa ilang panginabuhi.(JENIFFER JR. DELICA)
Source: DOST Regional Office No. IX