Gipahigayon sa Department of Labor and Employment (DOLE) Zamboanga del Norte Field Office ang usa ka orientation ug kalihokan alang sa mga kwalipikadong benepisyaryo ubos sa Tulong Panghanapbuhay sa Ating Disadvantaged/Displaced Workers o TUPAD kaniadtong Septiyembre 9,2026.
Ang maong kalihokan gipatuman sa pakigtambayayong sa Department of Social Welfare and Development (DSWD) pinaagi sa Peace and Development-Buong Bansa Mapayapa (PD-BBM) Program, ilabi na alang sa mga komunidad nga lisod maabot ug adunay limitado nga access sa mga serbisyo sa gobyerno.
Pinaagi sa orientation, gipatin-aw sa mga benepisyaryo ang mga importanteng kasayuran ug responsibilidad kalabot sa ilang pag-apil sa TUPAD, aron masiguro ang hapsay ug hustong pagpatuman sa programa.
Gipadangat sa mga residente sa Geographically Isolated and Disadvantaged Areas (GIDA), lakip ang mga wala pa o kulang og serbisyo nga mga komunidad sa Labason, ang programa sa gobyerno nga nagtumong sa paghatag og temporaryong panginabuhian ug tabang sa mga nanginahanglan.(MEDALYN U. BORJA)
Source: Peso Labason