Nakumpiskahan sa kapulisan ug mutimbang sa ka kapin o kulang 2 ka gramo sa ilegal na druga ang usa ka 39 anyos nga Street Level Individual atol sa gikasa nga hiniusang drug buy-bust operation mga ala 12:51 sa kaadlawon sa Septyembre 10, 2026, didto sa Tubod, Galas, Dipolog City.
Ang maong dinakpan naila nga usa ka lalaki , ulitawo, walay trabaho ug residente sa Burgos St.,Barra, Dipolog City kinsa gidakop pinaagi sa mga personahe sa Dipolog CPS (SDET), pinangunahan sa Hepe sa Pulisya, uban sa ZNPDEU 9 (lead unit), uban sa koordinasyon sa PDEA 9.
Atol sa operasyon nakumpiska gikan sa dinakpan ang nagkadaiyang pakete sa gidudahang shabu, nga gibanabanang motimbang og kapin o kulang duha ka gramo nga adunay PDEA Standard Drug Price (SDP) nga P13,600.00 uban sa mga butang nga dili droga.
Ang mga nakumpiskang droga gidala na sa ZDN Provincial Forensic Unit alang sa eksaminasyon.
Samtang ang nadakpang suspek anaa na sa kustodiya sa Dipolog CPS alang sa hustong disposisyon.(MEDALYN U. BORJA)
Source: Dipolog CPS,ZNPPO