ZAMBOANGA PENINSULA — Naghiusa ang Department of Health Zamboanga Peninsula Center for Health Development ug TESDA IX sa pagpahigayon og skills training alang sa mga health workers niadtong nilabay nga adlaw isip kabahin sa selebrasyon sa National Women’s Month.
Atol sa pagbansay, nakakat-on ang mga partisipante og praktikal nga kahanas sama sa paghimo og siomai ug chorizo, bread making, ug table skirting nga mahimo nilang gamiton alang sa dugang panginabuhian.
Sumala sa mga tigpasiugda, tumong sa maong kalihokan nga mapalapdan ang kahibalo ug abilidad sa mga health personnel, ilabi na sa kababayen-an, aron matabangan sila sa pagpalambo sa ilang kaugalingon ug pinansyal nga kahimtang.
Ang inisyatibo nagpakita sa padayon nga suporta sa gobyerno sa women empowerment pinaagi sa paghatag og oportunidad nga makahatag og dugang kita ug makatampo sa mas himsog nga komunidad.(JENIFFER JR. DELICA)
Source: DOH Zamboanga Peninsula CHD