Gihatagan og Excellence in Clean Water and Environmental Sustainability award ang City Government of Dipolog sa Environmental Management Bureau (EMB) Region IX atol sa Environmental Awards Night nga gipahigayon niadtong Nobyembre 13, 2025, sa Garden Orchid Hotel, Zamboanga City.
Gipasabot sa maong pasidungog ang lig-on nga paningkamot sa Dipolog City sa pagpalambo sa environmental protection initiatives ug pagpauswag sa sustainable practices alang sa mas limpyo ug mas berde nga Zamboanga Peninsula. Girecognize usab ang dakbayan isip aktibong Adopt-an-Estero Program Partner sa EMB IX tungod sa padayon nga rehabilitasyon ug pagpanalipod sa lokal nga mga agos-tubig pinaagi sa partisipasyon sa komunidad ug partnership.
Gidawat ang mga pasidungog ni Atty. Gratian Paul R. Tidor, OIC–Assistant City ENRO, nga mirepresentar kang City Mayor Roberto Y. Uy.(JENIFFER JR. DELICA)
Source/Photo Courtesy: Dipolog City Government