Gipahigayon sa DILG Zamboanga del Norte Gender and Development Focal Point System (GFPS) ang usa ka Special Meeting niadtong Agosto 10, 2026, nga gipangulohan ni LGOO VII Anabella A. Jatico ug gitambong sa 12 sa 16 ka miyembro sa GFPS.
Gitutokan sa miting ang mga importanteng isyu, kalihukan, ug mga preparasyon nga nagtumong sa pagpalig-on sa Gender and Development (GAD) mainstreaming sulod sa Departamento.
Lakip sa mga nag-unang gihisgutan mao ang unang mga resulta ug updates sa Local Committee on Anti-Trafficking and Violence Against Women and Children (LCAT-VAWC). Gisusi sa mga miyembro ang mga may kalabotan nga kalihukan ug mga sunod nga lakang aron mapalambo ang koordinasyon ug pagpatuman sa mga programa batok sa trafficking ug kapintasan batok sa kababayen-an ug kabataan.
Gihisgutan usab ang preparasyon alang sa 2027 Provincial GAD Planning and Budgeting Workshop, isip pagpangandam sa Regional GAD Planning and Budgeting Workshop nga pagahimuon sa Agosto 18, 2026, nga pagatambongan sa Provincial Director.
Samtang, gihisgutan usab ang mga unang preparasyon ug koordinasyon alang sa DILG ZDN SportsFest 2026 nga gikatakdang ipahigayon sa Agosto 27, 2026. Ang kalihukan gitumong sa pagpalig-on sa panaghiusa, teamwork, camaraderie, kahimsog, ug positibong relasyon sa trabaho taliwala sa mga personnel sa DILG.
Pinaagi sa padayong koordinasyon, hiniusang pagplano, ug tukmang pagpatuman sa mga kalihukan, gipadayon sa DILG ZDN GFPS ang paningkamot sa pag-mainstream sa GAD ug sa pagpalambo sa usa ka mas inklusibo, responsive, ug gender-responsive nga organisasyon.(IKEN B. GULLEM)
Source: DILG Zamboanga del Norte