Pormal nang napirmahan ang Memorandum of Understanding (MOU) tali sa Department of Information and Communications Technology (DICT) Regional Office IX ug BASULTA, Department of Education (DepED) Dipolog City Division, ug ChildFund Philippines, nga gipahigayon sa DepED Dipolog City Division Office alang sa pagtukod sa Digital Training Centers (DTCs) sa pipila ka tunghaan sa dakbayan.
Ang maong mga Digital Training Centers pagabutangan ug mga computer units, lamisa ug bangko, ug ubang ICT equipment nga gamiton sa mga Senior High School learners. Kini nga inisyatibo nagtinguha sa pagpalambo sa teknikal ug panginabuhian nga kahanas sa kabatan-onan.
Gipangulohan ang kasabutan ni Ms. Aileen Padao, ZDN Provincial Officer sa DICT, DepED Dipolog City Division Superintendent Ma. Liza R. Tabilon, ug ChildFund Philippines President Anand Vishwakarma, uban ang mga prinsipal sa benepisyaryong mga eskwelahan.
Ang DICT mopadayon usab sa paghatag ug teknikal nga suporta ug competency upskilling alang sa mga magtutudlo ug estudyante aron mas mapalig-on ang implementasyon sa programa.(IKEN B. GULLEM)
Source: DICT IX BASULTA
