Sa padayon nga paningkamot sa Department of Agrarian Reform (DAR) Zamboanga del Norte sa paghatag og tin-aw, limpyo, ug hapsay nga pagdumala sa yutang agraryo, gipangunahan ni PARPO II Daisy Dell Suan Digamon ang usa ka lig-on ug hinungdanong Project SPLIT Survey Batch 3 Progress Meeting, kaniadtong milabyng adlaw.
Gipundok sa maong miting ang tanang Municipal Agrarian Reform Program Officers (MARPOs) ug ang ilang masaligan nga support staff aron masuta ang kahimtang sa nagpadayong survey, ilabina sa mga lugar nga kritikal sa implementasyon sa programa.
Gipunting sa maong pagtigom ang pagpalig-on sa field coordination, pag-ayo sa survey strategies, ug pag-ila sa mga hagit nga nag-atubang sa mga field teams aron masulbad kini dayon ug mapadali ang pagproseso sa tag-as nga dokumentasyon sa yuta.(IKEN B. GULLEM)
Source: DAR ZAMBONORTE
