Nagpahigayon og oath-taking ceremony ang Department of Agrarian Reform Region 9 niadtong Marso 16 aron pormal nga maila ang mga bag-ong na-appoint ug napromote nga personnel sa regional office.
Gipangunahan ni Regional Director Atty. Ramon E. Madroñal Jr. ang panumpa sa katungdanan ug gidasig ang mga opisyal nga tumanon ang ilang responsibilidad uban sa integridad, accountability, ug kahusayan sa pagserbisyo sa publiko.
Sa iyang mensahe, gipahinumduman usab sa mga opisyal sa ahensya nga ang promosyon ug bag-ong katungdanan nagpasabot og mas dako nga responsibilidad sa paghatag og serbisyo ug pagtabang sa pagpatuman sa mga programa sa agrarian reform.
Sumala sa DAR Region 9, ang maong kalihukan kabahin sa pagpalig-on sa organisasyon ug paghatag og dugang kadasig sa mga personnel aron magpadayon sa pagserbisyo alang sa kaayohan sa mga mag-uuma ug Agrarian Reform Beneficiaries sa rehiyon.(JENIFFER JR. DELICA)
Source: DAR Region IX