DIPOLOG CITY — Opisyal nang giturn-over sa Department of Agrarian Reform (DAR) ang usa (1) ka brand-new Isuzu hauling truck ngadto sa Dipolog-Polanco Irrigators Association Marketing Cooperative (DPIA-MARCO) ubos sa Sustainable and Resilient Agrarian Reform Communities (SuRe ARCs) Program.
Gipahigayon ang Memorandum of Agreement (MOA) Signing ug Turnover Ceremony niadtong Pebrero 20, 2026 sa Museo Grounds, Dipolog City, uban ang kolaborasyon sa Provincial Government of Zamboanga del Norte ug City Government of Dipolog. Ang proyekto nagkantidad og ₱1,800,000.00.
Tumong sa inisyatiba nga mapauswag ang agricultural productivity ug mapalambo ang suporta sa agrarian reform beneficiaries sa siyudad. Gilauman nga mosaka og 30% ang rice production sulod sa usa ka tuig, samtang 50 ka farmer-beneficiaries ang mahatagan og training sa mas epektibong farm management practices ug sustainable rice production system.
Ang hauling truck magamit sa pagpalig-on sa post-harvest handling ug pagpaayo sa market access sa mga mag-uuma, ilabi na sa 50 ka gagmay’ng mag-uuma gikan sa Barangay Olingan nga maoy primary beneficiaries sa proyekto.
Pinaagi niini, mas napalig-on ang agrikultura sa Dipolog City ug mas gihatagan og lig-on nga suporta ang lokal nga mga mag-uuma alang sa mas produktibo ug mas lig-on nga umaabot.(JENIFFER JR. DELICA)
Source: Dipolog City Government