Miapil ang mga personnel sa Dapitan City Police Station (Dapitan CPS), ubos sa pagpanguna ni PEMS Marlou E. Elopre, CESPO, sa 41st Annual Global Observance International Coastal Cleanup niadtong Septiyembre 19, 2026, alas-7:00 sa buntag.
Gihiusa sa maong kalihokan ang mga personnel gikan sa nagkalain-laing national government agencies ug uban pang stakeholders aron magtinabangay sa paghinlo ug pagpreserbar sa mga coastal areas. Gipasiugdahan ug gipadagan ang kalihokan sa Provincial Environment and Natural Resources Office (PENRO).
Pinaagi sa coastal cleanup, gipasiugda ang hiniusang responsibilidad sa gobyerno ug komunidad sa pagpanalipod sa kadagatan ug pagmintinar sa kalimpyo sa mga baybayon.
Gipakita usab sa partisipasyon sa Dapitan CPS ang padayong suporta sa kapulisan sa mga inisyatiba alang sa pagpanalipod sa kinaiyahan, lakip ang pagpalig-on sa koordinasyon.(IKEN B. GULLEM)
Source: PNP Dapitan City Police Station