Nakuha sa LGU Dapitan City ang daghang pasidungog atol sa unang Philippine Smart and Sustainable Communities Award (PSSCA) nga gipahigayon kaniadtong Nobyembre 21, 2025 sa Centennial Arena, isip kabahin sa National Science, Technology, and Innovation Week.
Katuyuan sa awarding ang pag-ila sa mga LGU nga nagpasugod ug smart, innovative, ug sustainable nga mga programa ilawom sa mga tema nga Human Well-Being, Wealth Creation, Wealth Protection, ug Sustainability. Ang Dapitan City, nga dugay nang kaabag sa DOST-IX, misidlak pinaagi sa iyang teknolohiya-driven nga inisyatiba.
Nakuha sa lungsod ang mga mosunod nga pasidungog:
Level 3- Sustained SSC Award (Sustainability)
-Enhance Tax Revenue Assessment and Collection System (E-TRACS)
Level 2 – Expanding SSC Award (Sustainability)
-Personnel Management Information System (PMIS)
Human Well-Being:
-Ride Smart, Ride Green: Dapitan City E-Trike Transport Initiative
-CharM Powered Dapitan City
Gidawat ang mga pasidungog nila Susan Empeynado ug Art Noel Empeynado, kauban nila DOST-IX OIC Regional Director Rosemarie Salazar ug Provincial Director Nuhman Aljani.
Gipasalamatan sa DOST-IX ang Dapitan City alang sa padayon nga pagpanguna sa paggamit sa smart ug sustainable technologies, nga nagpauswag sa public service delivery ug nagmugna ug mas luwas, mas abante, ug mas malungtarong komunidad.(IKEN B. GULLEM)
Source: DOST Regional Office No. IX