Padayon nga gipaduol sa City Government of Dapitan ang PhilSys National ID registration ngadto sa mga residente pinaagi sa paghatag ug weekend service sa Government Center aron mas daghang Dapitanon ang makakuha sa ilang opisyal nga ID nga walay kalisud.
Pinaagi sa Office of the Senior Citizens’ Affairs (OSCA) ug sa pakigtambayayong sa Philippine Statistics Authority (PSA), nagpadayon ang lungsod sa paghatag ug hapsay ug kombinyenteng rehistrasyon matag Sabado, gikan alas-8 sa buntag hangtod alas-5 sa hapon, sa ground floor lobby sa City Government Center.
Ang maong serbisyo molungtad hangtod Disyembre 6, 2025, ug gilauman nga makatabang sa mas daghang residente, ilabi na kadtong dili maka-adto sa regyular nga adlaw aron makompleto ang ilang PhilSys National ID registration.
Gipasiugda sa LGU nga ang National ID usa ka importante nga dokumento alang sa mas paspas nga transaksiyon sa gobyerno, pribadong sektor, ug lain-laing serbisyo sa komunidad.(IKEN B. GULLEM)
Source: City Government of Dapitan