Nakadaog ang City Government of Dapitan sa Regional Disaster Risk Reduction and Management (DRRM) Exemplary Performance Award nga gihatag sa Department of National Defense – Office of Civil Defense (OCD) Region IX, isip pag-ila sa lig-on ug epektibong kahandam sa siyudad batok sa katalagman.
Ang Plaque of Distinction personal nga gidawat ni City Disaster Risk Reduction and Management Officer Engr. Nelson Quimiguing atol sa Regional EPIC (Excellence in Preparedness and Inclusive Community Resilience) Awards Ceremony nga gipahigayon kaniadtong Disyembre 16, 2025, sa Pagadian City.
Sumala sa OCD, ang pasidungog nagpakita sa kusog nga paningkamot sa Dapitan City Government sa pagpalig-on sa disaster preparedness, risk reduction ug community resilience, nga nagpadayon nga nagpanalipod sa kaluwasan ug kaandaman sa katawhan.(IKEN B. GULLEM)
Source: City Government of Dapitan