Sa padayon nga paningkamot sa pagpalig-on sa lokal nga sistema sa panglawas, gipatawag ni Dapitan City Mayor Evelyn T. Uy ang unang miting sa Local Health Board aron hisgutan ang nag-unang prayoridad sa syudad alang sa tuig 2025–2026.
Kauban ang mga opisyal sa panglawas, sectoral representatives, ug community partners, gireview sa konseho ang overview sa City Health Office, ang action plan sa umaabot, ug ang panginahanglanon sa mga lokal nga health programs.
Gitan-aw usab sa miting ang pagdugang ug health personnel, pagtaas sa budget alang sa devolved DOH programs, ug ang panginahanglan sa functional vehicles sama sa dental bus ug mobile clinic aron maabot ang mga serbisyo bisan sa layo nga komunidad.
Gipasalamatan sa mayor ang tanang mitambong sa ilang suporta. Matod niya, ang pagpalig-on sa healthcare system usa ka tinabangay nga responsibilidad, ug pinaagi sa panaghiusa, mahimo ang mas himsog ug lig-on nga Dapitan.(IKEN B. GULLEM)
Source: Mayor Belen Uy