Gipasidunggan sa Philippine Statistics Authority (PSA) Region IX ang City Government of Dapitan, ubos sa pagdumala ni Mayor Evelyn T. Uy, uban ang Office of the Building Official (OBO), tungod sa ilang lig-on, tukma, ug walay paglangan nga pagpasaka sa mga datos kabahin sa building permits.
Sumala sa PSA, ang kompleto ug sakto nga pagtaho sa Dapitan usa ka dakong kontribusyon sa pagmugna ug kasaligan nga construction statistics nga nagsilbing giya sa pagplano sa rehiyunal ug nasyonal nga kalamboan. Ang maong datos nagtabang sa pag-ila sa ritmo sa pagtukod sa inprastruktura, pagtan-aw sa natad sa real estate, ug pagdesisyon sa angayng budget ug proyekto sa gobyerno.
Gidayeg sa PSA ang Dapitan City tungod sa padayon nga pakig-alayon sa national agencies ug sa klarong pagsunod sa mga rekisitos sa data reporting, usa ka timaan sa maayong pamalaod ug responsableng lokal nga pagdumala.(IKEN B. GULLEM)
Source: City Government of Dapitan