Pinaagi sa mga bag-ong gamit o ekipo na bag-o lang napalit sa Local Government Unit ilawom sa administrasyon ni, Mayor Glen N. Yu, gisugdan na sa Lokal nga Kagamhanan sa Sergio Osmeña ang pag-ayo ug pagmentinar sa mga nadaot nga kadalanan sa Pedagan.
Gitumong sa proyekto ang pagpaayo sa kahapsay ug kaluwasan sa transportasyon, ilabi na alang sa mga motorista ug pasahero nga adlaw-adlaw naggamit sa mga dalan sa lungsod.
Una nang gihimo ang mga buluhaton sa Barangay Pedagan, diin gipagrabahan ug gipalapad ang pipila ka kadalanan aron mapadali ang pagbiyahe ug malikayan ang mga aksidenye.
Gilauman usab nga ang proyekto makatabang sa mas episyente nga pagdala sa mga produkto gikan sa kabukiran paingon sa merkado, nga maghatag dugang kita sa mga mag-uuma ug negosyante.
Kini nga inisyatiba nagpakita sa tumong sa LGU Sergio Osmeña nga maghatag og mas luwas, mas episyente, ug mas komportableng serbisyo alang sa tanang lumulupyo sa lungsod.(IKEN B. GULLEM)
Source: Zamboanga del Norte Provincial News Network